среда, 12 ноября 2014 г.

Лаборатория

       Кыче секытэн кутскиз та арня. "Шунды Лабораториысь" Мон висьыса берти, собере 3 нунал дышетскытэк кылли. Виси ке но,  "лаборатория" мыным кельшиз. Ноку ӧйвал вуылэме Кизнере. Мон яратӥсько Удмуртилэн портэм серегъёсаз вуылыны, адӟыны кызьы отын адямиос уло,кыӵе сюресъёс вылтӥ ворттыло, кыӵе коркаос пукто, кызьы колхозъёссэс возё. Пайми Кизнерлы. Кынми. Возтӥзы газ трубаос кошко, нош коркаос пуэн эстӥсько. Чебер, выль школаоссы сыло - нош дышетскисьёссы ӧвӧл. Жаль.
      Зато сыӵе мыло-кыдо адямиоссы. Туж шумпотыса пумитазы милемыз Кизнер школаын. Быдэс ёросысь пиналъёс лыктӥллям. Перепечен, арганэн пумитазы. Мон дышетӥ нылпиосты мониста лэсьтыны. Сомында нылъёс лыктизы и даже дышетисёс. А мониста то Мон лэсьтӥсько возьматон понна гинэ, фольгалэсь. И  нокызьы ой малпа вал, пиналъёс сыче шумпотыса вырозы шуыса. Дышетисьёс шуо :табере, пе, краеведение урокъёсын пиналъесмес дышетом.
     Мукет нуналаз ми Вуж Мултанэ вуылӥм, куалаез адӟим, Абат пещерае ветлим. Кытысь мар со пещера кылдэмын, нокин уг тоды. Отысь потэ ошмес, вуэз шуныт,чылкыт. Бигеръёс,пе,ортчо вылэм Вуж Божья гурт палтӥ  но дугдиллям ву юыны. Вузэ утчаллям но, "айбат" шуыса кошкиллям. Отысь ик, пе, шурлэн нимыз но потэм - Абат.
     Арня ӵукна бертыны потӥм. Мон кыли Пургае. Гуртэ ой бертылы бере, сюлмы интыяз ойвал. И кутскиз: уколъёс, носовикъёс, градусникъёс но таблеткаос. Ноку таче висеме ой вал на. Уте тазалыктэс, эшъёс)

суббота, 20 сентября 2014 г.

Сибирь тракт кузя

  Ветлӥм ми четверг нуналэ Играе, Сибирь тракт кузя. Сыче вал милям,культурология группамылэн "программная поездкаез". Шумпотыса ми соглаш луим, малы ке шуоно четверг-со самой секыт дышетскон нунал. Группамы трос кузя овол - 10 адями гинэ. Ито Никон ӧз ветлы. И вообще милемыз туристъёс сьоры отчы лэзизы, а соос кызьлэсь ятыр.
Я, потимы. Мыныкумы сюрес вакчи потиз.  Нырысь ик Играысь краеведческой музее пырим. Экскурсиязэс кылзиськыса мылкыды быриз. Выставкалэн нимыз "Мифы удмуртского народа". Возьматэмын  йыр-пыд сётэмзэс удмуртъёслэсь, нюлэсмуртлэсь но вукузёлэсь тусъёссэс, удмурт пужыосты. Пелэз вандизы таче кылъёс: кылдыСин (кылдыЩин интые), нЮлэсмурт, пэСьтэр (пещтэр). Валасько, удмуртэз уг тоды может быть, но нуиськод ке та экскурсиез дышетыны но тодад возьыны шонеркылъёсты   можно вал ини. 

Тани йыр-пыд сётон


Ну таиз Герман гондырен чош. Со, пе, нЮлэскын.
Мукет залын тунсыко вал. Лопшо Педуньлэн корка пушез, пе, со. Удмуртъёслэсь улэмзэс возьмматыны тыршиллям. Гур, ӝӧк, скамьяос. Лопшо Педунь зэмос адями вылэм. Мон малы ке тае нырысьсэ кылӥ. Фёдор Иванович нимо. Стена бордын ошемын солэн  береста вылын лэсьтэм выжы писпуэз.  Талы мон синмаськыса быри.

Музей бере, сюрес нуиз милемыз Бакчеево гуртэ.  Отын сылэ вуж, 1этажъем юрт, кытын Сибире мынисьёсты изьто, сюдо,  лыдъяло но кӧня ке шутэтскыны сёто вал. Отчы ми пырим зэмос каторжникъёс кадь. Пырыса ӧм вуттэ, выдыны косизы сэндраос (нары) вылэ. Отын ик каторжникъёслэн дисьсы, кандалаос. Так ке шимес отын. Ми 30 кузя отчы мырдэм тэрим, нош мынись адямиос эшшо тросгес луо вылэм, эшшо ке пичи нылпиосын...

полать, сэндра, нары
 
    Бакчеево бере нош ик кошким Игра пала. Автобусмы ваиз чебер корка азе - "Центр удмуртской культуры Игринского района" гожтэмын.  Наконеец-то мар-ке но удмурт шуыса малпам.  Одиг этажъем корка,  капкаез, пе,  зажиточной удмуртъёслэн шуыса валэктӥзы. Пушказ пырыкумы кышномуртъёс "ӟечбуресь"шуыса пумитазы. Соку ик подносэн тесто но пызь ваньзылы люкылӥзы но шуо: "Сейчас мы вас научим стряпать перепечи". Оо. Татын ми Германэн  асьмемыз "в своей тарелке" кадь воксё шӧдӥм. Шумпотыса дуро перепеч лэсьям. Туристъёслэн группаазы тросэз студентъёс городъёсысь, соослэн адӟзылэмзы но ӧвӧл кызьы со лэсьтиське, тожо мар ке пӧрмытӥзы ик) Чай юим, перепеч сиим но "тау" шуыса кошким.

   Ноку но ӧйвал вуылэме Играе. Сеп гуртэз сяна отысь номыре уг тодӥськы вал. Пайми даже, сыче тунсыко отын экскурсия ортчыто вылэм шуыса.

четверг, 28 августа 2014 г.

Та улон мыным кельше

    Пичи братикелы туэ 6 арес тырмиз. Солэн нимыз Богдан. Вуоно аре школае мыноз ни.  Уг валаськы малы, но садике али уг ветлы, мынам отпуск, шуэ. Нош зэмзэ ке вераны, гужем садикын 1 группа гинэ ужа, соин ик анае воспитательёсты жаля - трос адямиен, пе, капчи овол (угось ачиз отын кивалтись), нош тон гуртын пукиськод. Я. Кылле ини со милям гуртын. Туж паймымон сямыз та пимылэн. Куддыръя чукна ик эшъёсыныз пумиськыса ышоз быдэс нуналлы, нош куддыръя коркась улляса но уд потты. Сыӵе нуналъёсы ветлэ мозмыса но вераса:"Мне скучно".

Туннэ но быдэс нунал ми соин гуртын вал. Мар туннэ обедлы поралом шуыса юасько ке, солэн котьку одиг веранэз - плов. "Любимое блюдо", - шуэ. Сиськем берамы укно улын кесяськем кылиськиз. "Бооогдааан," - ӧте кык пияшъёс, кудъёсыз солэсь 2 арлы-а мар-а бадзымгес. Богдан оз поты - кызьы пуке вал телевизор учкыса озьы ик пукиз.. Ӝыт пал милям пульт понна керетон кутскиз. Мон коня ке сое пыкылыны кутски:
 - Богдан, алфавиттэ хоть тодиськод на-а?
 - Тодко. А, б, в, г, дэйка!
 - Я, молодец. Нош отжимание карыны быгатиськод на-а?
 - Сейчас попробую.
  Все. Уг ни быгаты. Азьло ушъяське вал гуртэ ке бертисько. Одиг-кык пол жутске ик вал, али воксе азьтэм вормем.
 Озьы выреммы бере Богдан мыниз алфавит доры, нош мон компьютер сьоры пукси. Коня ке улыса анае солы бумагаен ручка сетиз. Гожъяськы, пе. Вот татын мон пайми. Шумпотыса дорам лыктэ бумагаеныз: "Алина, лыдзы мар мон гожти!" Тодьы бумага вылын букваос полысь  адзи: "та улон мыным кельше." Соку ик тодам ваи арт-экспедициез, Владикез но Богданэз, кудъёсыз клип понна ветло вал пичи пиосты камерае сниматьтыса но со кылъёсты вераны косыса. Уг ни тодиськы, вераз-а озьы соослы мынам Богданэ, но солэн йыраз кылем. Арт-экспедиция котькинлы пыӵаса кылиз.  Сыче мон шумпотӥ, сокем со паймымон вал мон понна. Быдэс ӝыт   йырам бергаз "Мыным кельше" кырзан, нош Богдан ваньзылы ушъяськыса ветлиз, букваосты оз вунэты шуыса.
 - 

среда, 20 августа 2014 г.

Котьку мед пиштоз шунды!

Шундыкар. Та выжыкыл дунее мон вуи2007-ти арын. Соку мон вал тууж пичи. Эстрада отрядэ 3 ар ветли. Собере Василий Серафимович Ушаковен гимназиын ужам, соин ик театр отрядэ мынэ - 2011 но 2012-ти аръёсы. Табере мон вожатой. Нырысети пол улонам мон-вожатой луыса мыни. Малпаны но азьло кышкасько вал кызьы со, мар со, кин со сыче Шундыкарысь вожатой. Табере валай кадь. 
"Русский дом " азьын бичаськыкумы пиналъёсме адзи. Туж мусоесь потизы ваньзы. Мынам эстрада отрядам но театр отрядын туэ тужгес но трос пиналъёс вал - 13 адями. Умойгес тодматскем берамы валай, кыче соос портэмесь. Нырысь секытгес вал. Куд-ог дыръя ог-огмес ум кылиське но вал, ум но валаське вал. Собере дышим,яратим. Актовой залысь кырзамзы кылиське ке вал - сыче сюлэмам шумпотон кылдэ вал, данъяськон соос понна. Нош отчетной концертазы мырдэм синкылиосме вози - кызьы соостэк улом на меда шуыса. Али но фото учкыса пукисько но туж-туж мозмисько пичи кизилиосылэсь. 
Милям вал туж умой командамы. Троссэ вожатойёсты тодисько ке но вал, котькудзэ мон мукет сямен аслым усьти. Секыт ик вылэм вожатойлэн ужез. Зэмос вожатой сиськытэн но, изьытэк но быгатыны улыны кулэ. Эшшо котькуд нунал зарядитьтэм батарейка кадь луыны но котькытчы но котьмае вуттыны. Ми тыршим. Тыршим пиналъёс ноку медаз мозме шуыса, мед та смена соослы кельшоз шуыса, мед соос эшъяськозы шуыса, котсы но мед тыроз шуыса! Мон малпасько милям ваньмыз пормиз. Шундыкар 2014 удалтиз. Мон туж шумпоти и чик но ой жаля вожатоен мыни шуыса. Шундыкар атмосфера пичи дырысеным сюлэмам улэ. Сое уз луы кылъёсын вераны - сое шодыны кулэ. Тау пиналъёсмылы, кудъёсыз лулысь-сюлмысь тыршизы, ужазы, котьку мыняса но яратыса вазьылизы милемлы. Таӵе зарни пиналъёсмы оз ке луысалзы, Шундыкармы но оз пормысал. Мон шудо. Котьку мед пиштоз Шунды!

понедельник, 4 августа 2014 г.

Куноос

Иваново-Самарскын арт-экспедиция. Мон удмурточкаен выль блог усьти. Клубамы туж трос калык - экто, суредасько, турынлэсь куро лэсьто. Скоро мыном сиськыны)

Богданлэн инстаграммысьтыз туспуктэмъёс.